Rasijski vajskoviec pryznaŭ vinu ŭ zabojstvie biazzbrojnaha žychara Ukrainy
Rasijski vajskoviec Vadzim Šyšymaryn padčas sudovaha pasiadžeńnia pryznaŭ vinu ŭ zabojstvie biazzbrojnaha mirnaha žychara ŭ Sumskaj vobłaści, paviedamlaje «Bi-bi-si» z zały suda.
18.05.2022 / 16:34
Heta pieršy praces nad rasijskim vajskoŭcam za złačynstvy na terytoryi Ukrainy.
Šyšymaryna abvinavačvajuć u rasstrele biazzbrojnaha viełasipiedysta i staviać u vinu artykuł «parušeńnie zakonaŭ i zvyčajaŭ vajny».
Praściej kažučy — sudziać jak vajennaha złačyncu. Jamu pahražaje pakarańnie až da pažyćciovaha źniavoleńnia.
Šyšymaryn rodam ź Irkucka, słužyŭ kamandziram addzialeńnia ŭ 4-j tankavaj Kantemiraŭskaj dyvizii Maskoŭskaj vobłaści.