Выраб сельгаспрадукцыі ўпаў на 1,7%
Вытворчасць прадукцыі сельскай гаспадаркі ў студзені—красавіку 2022 года ў гаспадарках усіх катэгорый (у сельскагаспадарчых арганізацыях, сялянскіх (фермерскіх) гаспадарках, гаспадарках насельніцтва) склала Br5, 1 млрд, або ў супастаўных цэнах 98,3% да ўзроўню студзеня—красавіка 2021 года, паведамляе Белстат.
16.05.2022 / 17:31
Здымак ілюстрацыйны. Фота: БелТА
У сельскагаспадарчых арганізацыях выраблена прадукцыі на Br5 млрд, або ў супастаўных цэнах 98,6% да паказчыка адпаведнага перыяду папярэдняга года.
У гаспадарках усіх катэгорый выраблена 574,6 тыс. тон мяса рознай жывёлы і птушкі ў жывой вазе, 2531,4 тыс. тон малака, 1105,2 млн яек.
На долю сельскагаспадарчых арганізацый прыпадае 96,4% аб'ёму вытворчасці мяса жывёлы і птушкі (у жывой вазе), 98% малака і 89,3% вытворчасці яек.
На 1 мая ў сельскагаспадарчых арганізацыях налічвалася 4,1 млн галоў буйной рагатай жывёлы, у тым ліку 1,4 млн кароў. Колькасць свіней склала 2,3 млн.