Генштаб УСУ: У Гомельскай вобласці вядзецца размініраванне
На тэрыторыі Гомельскай вобласці фіксуецца правядзенне работ па размініраванні мясцовасці. Пра гэта паведаміў у сваёй вячэрняй зводцы за 14 мая Генеральны штаб Узброеных сіл Украіны.
14.05.2022 / 21:09
Украінскія вайскоўцы ўдакладняюць, што працы па размініраванні праводзяцца ў раёнах, дзе раней размяшчаліся падраздзяленні Расійскай Федэрацыі. Адкуль атрыманая гэта інфармацыя — не паведамляецца.
У пачатку красавіка праходзіла афіцыйна не пацверджаная інфармацыя, што на расійскай міне ў Гомельскай вобласці падарваліся два афіцэры КДБ. А лясы ў тым рэгіёне забаронена наведваць.