Dranikam nadali status historyka-kulturnaj kaštoŭnaści
Biełaruskaja respublikanskaja navukova-mietadyčnaja rada pa pytańniach historyka-kulturnaj spadčyny pry Ministerstvie kultury razhledzieła prapanovu ab nadańni statusu historyka-kulturnaj kaštoŭnaści tradycyjam pryhatavańnia i spažyvańnia straŭ z dranaj bulby (dranikaŭ, bulbianych blinoŭ, babki).
14.05.2022 / 14:46
Rada adzinahałosna padtrymała hetuju prapanovu. Rašeńnie Ministerstva kultury pa ŭklučeńni straŭ z dranaj bulby ŭ Dziaržaŭny śpis historyka-kulturnych kaštoŭnaściej Respubliki Biełaruś budzie pryniata ŭ bližejšy čas.
Pierad tym, jak pytańnie było vyniesiena na razhlad rady, pa inicyjatyvie Ministerstva kultury dadzienaja tradycyja była vyvučana i zafiksavana na ŭsioj terytoryi Biełarusi. Zafiksavana 235 narodnych receptaŭ.
— U siamji kožnaha biełarusa na stale niaźmienna prysutničajuć draniki, babka i inšyja stravy, jakija stali svojeasablivym hastranamičnym brendam našaj krainy. Šyrokaje raspaŭsiudžvańnie straŭ z dranaj bulby — asablivaść nacyjanalnaj kuchni biełarusaŭ, jakaja sfarmiravałasia ŭ kancy XIX st. i zachoŭvajecca da ciapierašniaha času, — adznačyŭ namieśnik Ministra kultury staršynia rady Siarhiej Sarakač.