«Ён працуе і будзе працаваць». Лукашэнка паабяцаў не закрываць ПВТ
Аляксандр Лукашэнка 12 мая сустрэўся з паслом Расіі ў Беларусі Барысам Грызловым. На сустрэчы сярод іншага Лукашэнка паабяцаў не закрываць ПВТ і распавёў, якімі павінны быць беларускія і расійскія айцішнікі.
12.05.2022 / 13:56
«Мы ўрэшце павінны схіліць нашых айцішнікаў да вытворчасці гатовага канчатковага прадукту, а не на пабягушках быць у буйных кампаній. Так, грошы, так, мільярды даляраў — усё гэта зразумела. Але трэба рабіць з нуля гатовы прадукт і асвойваць яго тут, на постсавецкай прасторы. Найперш у Беларусі і Расіі. Таму ёсць дзе развярнуцца», — сказаў Лукашэнка.
Лукашэнка паабяцаў не закрываць ПВТ і не выганяць айцішнікаў.
Ён таксама праанансаваў сустрэчу з ІТ-спецыялістамі.