Генпракуратура Украіны: За час вайны загінула прынамсі 221 дзіця
Прынамсі 221 дзіця загінула, а больш за 408 атрымалі раненні за час расійскага ўварвання ва Украіну, паведамілі ў офісе генпракурора Украіны, падкрэсліўшы, што гэта толькі папярэднія звесткі.
05.05.2022 / 10:27
Жанчыны з дзецьмі на чыгуначным вакзале ў Кіеве. Фота: AP
Па даных ААН, да 3 мая ва Украіне загінулі па меншай меры 3238 мірных жыхароў, у тым ліку 7 дзяцей. У арганізацыі таксама падкрэсліваюць, што ў рэальнасці колькасць ахвяр нашмат вышэйшая, а ва ўмовах ваенных дзеянняў дакладную інфармацыю аператыўна атрымліваць немагчыма.
«Прычынай большай часткі зафіксаваных выпадкаў гібелі або ранення цывільных асоб было прымяненне выбуховых прылад з шырокай зонай паражэння, у тым ліку абстрэлы з цяжкай артылерыі і рэактыўных сістэм залпавага агню, а таксама ракетныя і авіяўдары», — гаворыцца ў справаздачы ААН.