Va Ukrainie zahinuŭ jašče adzin žurnalist
Va Ukrainie zahinuŭ žurnalist Alaksandr Machaŭ. Jon byŭ rodam z Łuhanskaj vobłaści, pracavaŭ na telekanałach «Ukraina», «Ukraina-24» i «Dom». Jamu było 36 hadoŭ.
05.05.2022 / 08:11
Alaksandr Machaŭ. Fota: t.me/ukraina24tv
Siarod inšaha Machaŭ pracavaŭ na vajnie ŭ Danbasie i vioŭ padkast «Vojenkor». U lutym 2022 hoda jon pajšoŭ na front udzielničać u bajavych dziejańniach.
28 krasavika Machaŭ paviedamlaŭ, što jon paranieny, a ŭčora stała viadoma, što jon zahinuŭ u rajonie horada Izium na Charkaŭščynie.
Pra hibiel Machava zhadaŭ u svaim tradycyjnym viačernim videazvarocie prezident Ukrainy Uładzimir Zialenski:
«Maje ščyryja spačuvańni blizkim, siabram. Chaj jaho syn Uładzisłaŭ viedaje: Rasija adkaža za hetuju śmierć. My abaviazkova zdabudziem dla Ukrainy pieramohu. Upeŭnieny, heta było maraj Alaksandra. My jaje realizujem».