81-hadovaja minčanka addała telefonnym ašukancam 30 tysiač dalaraŭ
Telefonnyja ašukancy padmanuli 81-hadovuju minčanku na 30 tysiač dalaraŭ, paviedamlaje pres-słužba MUS.
30.04.2022 / 17:42
Dniami žančynie patelefanavali i paviedamili, što jaje ŭnuk trapiŭ u DTZ, a tamu patrebna bujnaja suma, kab vyratavać jaho ad kryminalnaj adkaznaści. Piensijanierka viedała pra taki sposab padmanu, ale ad stresu razhubiłasia i addała svaje źbieražeńni.
Kurjera, jaki prychodziŭ za hrašyma, znajšli i zatrymali. Im akazaŭsia 18-hadovy navučeniec kaledža. Taksama byŭ zatrymany jahony kampańjon — 35-hadovy raniej nieadnarazova sudzimy biespracoŭny žychar Minska.
Abodva kurjery zabirali hrošy ŭ paciarpiełych i pieradavali pasiarednikam. U dačynieńni da ich raspačatyja kryminalnyja spravy za machlarstva.