Vyjšaŭ na volu palitviazień Andrej Žulakoŭ
Žychar Zasłaŭja Andrej Žulakoŭ 15 krasavika vyjšaŭ na volu z navapołackaj kałonii № 1, paviedamlaje «Viasna».
21.04.2022 / 19:06
Andreja asudzili da 1 hoda pazbaŭleńnia voli ŭ kałonii ahulnaha režymu pavodle kryminalnaj spravy ab abrazie Łukašenki (art. 368 KK). Andreja, a taksama Aksanu Marcieškinu, zatrymali ŭ noč na 27 lutaha 2021 hoda za raźviešvańnie ŭ Zasłaŭi ŭlotak z karykaturami na Łukašenku.
Paśla zatrymańnia jany pa troje sutak praviali ŭ Minskim rajonnym IČU, a zatym byli pad chatnim aryštam.
Aksana Marcieškina nie źjaviłasia na pieršaje sudovaje pasiadžeńnie. Jaje spravu prypynili, jana ciapier u vyšuku. Žulakovu ž prysudzili adzin hod kałonii i ŭziali pad vartu ŭ zale suda. Ciapier jahony termin skončyŭsia.