Белінвестбанк працягнуў дзеянне карт да 2025 года
Тэрмін дзеяння карт Белінвестбанка падаўжаецца да канца сакавіка 2025 года. Гэта тычыцца Visa, Mastercard і «БЕЛКАРТ-Прэміум-Maestro», у якіх тэрмін дзеяння заканчваецца з сакавіка па снежань 2022 года.
19.04.2022 / 09:16
На падобны крок вырашыліся і іншыя банкі, сярод якіх Тэхнабанк (да канца 2024 года). Гэта адбываецца пасля сыходу сістэм Visa і Mastercard. Іх карты, выпушчаныя ў Беларусі, не працуюць за межамі краіны. Тое ж самае адбылося і ў Расіі, нагадвае Officelife.media.
На гэтым фоне банкі больш актыўна працуюць з кітайскай Union Pay і з сумяшчальнымі «Белкарт» і «Мір». Дзве апошнія сістэмы пакуль не цалкам узаемазаменныя ў Беларусі і Расіі, але гэты працэс стаў ісці больш актыўна, чым раней.