Выдавецтва «Галіяфы» аб'явіла распродаж пасля рашэння Мінінфарма
Сёння стала вядома, што дзейнасць выдавецтва прыпыняецца на тры месяцы з 18 красавіка.
15.04.2022 / 14:34
«У нас застаюцца 3 дні, калі нам дазволена гандляваць. На ўсе нашы выданні робім 20% зніжкі. Прыходзьце да нас у кнігарню «Галіяфы» (Няміга, 3, цокальны паверх, бокс 37). Будзем рады вашай падтрымцы. Праз тры дні праца кнігарні будзе цалкам спыненая», — напісалі «Галіяфы» ў сацыяльных сетках.
У выдавецтве спадзяюцца, што змогуць праз тры месяцы аднавіць дзейнасць.
Учора таксама стала вядома, што на тры месяцы прыпыненая дзейнасць выдавецтва «Медысонт».