Зяленскі прагназуе, што расійскія войскі пяройдуць да яшчэ больш маштабных дзеянняў
Пра гэта прэзідэнт Украіны Уладзімір Зяленскі заявіў у штовячэрнім відэазвароце. Ён мяркуе, што наступ будзе на ўсходзе.
11.04.2022 / 08:22
«Расійскія войскі пяройдуць да яшчэ больш маштабных дзеянняў на ўсходзе нашай дзяржавы, — сказаў прэзідэнт. — Могуць выкарыстоўваць супраць нас яшчэ больш ракет, яшчэ больш авіябомбаў. Але мы рыхтуемся да гэтых іх дзеянняў. Мы будзем адказваць».
Зяленскі паабяцаў «яшчэ больш актыўна забяспечваць Украіну зброяй», а таксама яшчэ больш нарасціць дыпламатычную і медыйную актыўнасць, у тым ліку для абгрунтавання новых санкцый супраць Расіі.