Паглядзіце, які малюнак даслаў Павел Севярынец свайму сыну ФОТА
Павел Севярынец знаходзіцца за кратамі з 7 чэрвеня 2020 года.
09.04.2022 / 09:35
«Францішак атрымаў ад Пашы вось такі малюнак. Цяпер ён наш любімы. Беларусь і Украіна разам — жоўта-блакітнае рапсавае поле пад Глыбокім. Працягваем маліцца. Ну і вы бачыце, як наш хлопчык радуецца кожнаму лісту ад таты», — напісала ў Фэйсбуку жонка палітвязня Вольга.
Севярынца затрымалі 7 чэрвеня 2020 года, калі ён вяртаўся з пікета Ціханоўскай на Камароўцы. Амаль праз год, 25 мая 2021 года, яго разам з групай актывістаў асудзілі да сямі гадоў калоніі ўзмоцненага рэжыму. Пакаранне Павел адбывае ў шклоўскай калоніі.