Śledčy kamitet Rasii raspačaŭ kryminalnuju spravu ab masavaj hibieli mirnych žycharoŭ u vyniku ŭdaru pa Kramatorsku. Ale nie suprać svaich
Pavodle paviedamleńnia rasijskaha Śledčaha kamiteta, sprava rasśledujecca «u dačynieńni da kamandzira bryhady Uzbrojenych siłaŭ Ukrainy i inšych nieŭstanoŭlenych asob» pa častcy 1 artykuła 356 KK RF (žorstkaje abychodžańnie z cyvilnym nasielnictvam, prymianieńnie va ŭzbrojenym kanflikcie srodkaŭ i mietadaŭ, zabaronienych mižnarodnym dahavoram Rasijskaj Fiederacyi).
08.04.2022 / 19:28
Abłomak rakiety, jakaja prylacieła na vakzał u Kramatorsku
Takim čynam, rasijskija siłaviki śćviardžajuć, što vakzał u Kramatorsku abstralali sami ŭkraincy.
Taksama rasijski SK raspačaŭ spravu ab raspaŭsiudzie fejkaŭ ab vykarystańni US RF z-za taho, što «ŭkrainski bok raspaŭsiudziŭ zahadzia iłžyvyja źviestki ab tym, što ŭdar pa horadu byŭ naniesieny rasijskimi vajskoŭcami».
Nahadajem, rasijskija prapahandysty siońnia «spalilisia» z Kramatorskam. Prapahandysckija rasijskija Z-kanały pačali raspaŭsiudžvać paviedamleńnie pra toje, što US RF viaduć ahoń pa «natoŭpie bajevikoŭ USU» na vakzale Kramatorska.
Ale kali paźniej źjavilisia videa masavaj hibieli mirnych ludziej, hetyja zapisy byli vydalenyja ci źmienienyja.