U Biełarusi ŭviali rehulavańnie cenaŭ na myła, tualetnuju papieru i inšyja pradmiety hihijeny
Pres-słužba ŭrada Biełarusi paviedamiła pra ŭviadzieńnie dziaržaŭnaha rehulavańnia cenaŭ na niekatoryja vidy niecharčovych tavaraŭ. Takija miery byli im pryniaty «dla padtrymańnia cenavaj stabilnaści na spažyvieckim rynku».
07.04.2022 / 21:50
Dziaržaŭnaje rehulavańnie cenaŭ uviedziena na
myła, tualetnuju papieru, papiarovyja survetki, padhuźniki, hihijeničnyja pakiety, paraškovyja sintetyčnyja myjnyja i čyścilnyja srodki, zubnuju pastu, abutak dla dziaciej, pančošna-škarpetkavyja vyraby dla dziaciej.
Ceny na charčovyja tavary taksama pry hetym praciahvajuć rehulavacca:
«U metach minimizacyi rostu adpusknych cen źnižanyja na 5% hraničnyja pamiery aptovych i handlovych nadbavak na miasa (jałavičyna i śvinina na kostcy, kury (tuška), chleb, makaronnyja vyraby»), — paviedamlaje taksama pres-słužba.