Žurnalistka «Novoj haziety» Alena Kaściučenka pakinuła Ukrainu. Jana rabiła śmiełyja repartažy z ukrainskich haradoŭ
«Siońnia nočču ja vyjechała z Ukrainy. Ja prapracavała na vajnie miesiac i šeść dzion. Mnohaje zmahła, niešta nie», — paviedamiła sama žurnalistka ŭ Instahramie. Jana rabiła śmiełyja repartažy dla «Novoj haziety» i «Mieduzy».
02.04.2022 / 17:37
Kaściučenka dziakuje ŭkraincam, jakija ŭvieś hety čas dapamahali joj u pracy, niahledziačy na rasijski pašpart i dekłaruje, što viartajecca na radzimu:
«Ja viartajusia ŭ Rasiju. Ja viedaju, što heta maja kraina, a nie Pucina. Ja viedaju, što lublu jaje niesuvymierna bolš, čym maleńki čałaviek, jaki staŭ? byŭ? pieratvaryŭsia? u pačvaru. Radzimu pačvaram nie addajuć. Mama, siastra, maja mova, maja vioska i raka, majo nienarodžanaje dzicia — heta majo, ja hatovaja i budu heta abaraniać. Ja viedaju i razumieju, jak ja heta budu rabić».