Paradzicha z Maryupala, jakaja stała znakamitaj praz zdymak z bambavańnia radzilni, patrapiła ŭ zakładnicy da rasijan
Paradzicha Marjana Vyšamirskaja, fota jakoj raźlaciełasia pa ŭsim śviecie paśla bambavańnia Maryupalskaj radzilni, ciapier u zakładnikach u rasijan. Pra heta piša vydańnie «Obozrievatiel».
02.04.2022 / 17:23
Marjana Vyšamirskaja. Fota Jaŭhiena Małaletki / AP.
Vydańnie spasyłajecca na vałancioraŭ, jakija sprabavali vyratavać maładuju maci ź niemaŭlom.
«Da nas źviarnulisia jaje svajaki z prośbaj dapamahčy vyjechać na padkantrolnuju Ukrainie terytoryju, tamu što rasijanie jaje płanavali vykarystoŭvać u prapahandysckich metach. Nie atrymałasia, uličycie, što jana ź dziciom u zakładnikach», — adznačajuć vałanciory.
Raniej adzin z rasijskich prapahandysckich kanałaŭ apublikavaŭ videa z žančynaj, u jakim jana nibyta paćviardžaje zajavu kiraŭnictva Kramla, što radzilnia ŭ Maryupali bambavałasia z-za taho, što tam znachodziłasia baza bataljona «Azoŭ». Jak zaŭvažaje «Obozrievatiel», na kadrach, apublikavanych prapahandystami, bačnyja šmatlikija sklejki.
Raniej prapahandysty śćviardžali, što dziaŭčyna sa znakamitaha fota — madel, a ciažarnaść jana tolki imitavała dla zdymak.