U kabinietach HUBAZiKa vyviesili znaki rasijskich vojskaŭ
abnoŭlena
Pra heta stała viadoma, kali HUBAZiK u svaim čarhovym telehram-kanale apublikavaŭ fota Źmitra Daškieviča, zroblenaje ŭ svajoj štab-kvatery.
24.03.2022 / 16:21
Źmitra Daškieviča zatrymali ŭčora, siońnia prajšoŭ sud pa administracyjnaj spravie — Źmitra dali 15 sutak.
Na fota za śpinaj Źmitra Daškieviča visiać rasijskija prapahandysckija płakaty, vypuščanyja ŭ padtrymku rasijskaha ŭvarvańnia va Ukrainu.
HUBAZiK, Hałoŭnaje ŭpraŭleńnie pa baraćbie z arhanizavanaj złačynnaściu i karupcyjaj, za apošnija dva hady pieratvaryŭsia ŭ palityčnuju palicyju. Praz jaho prajšli tysiačy zatrymanych hramadzian Biełarusi. Ëść šmatlikija śviedčańni pra źbićcio i katavańni ludziej supracoŭnikami ŭpraŭleńnia.