Ciahnik «Mahiloŭ-Minsk» urezaŭsia ŭ traktarny pryčep z hnojem na čyhunačnym pierajeździe
Pres-słužba BČ paviedamiła, što ŭ 17.59 ciahnik rehijanalnych linij biźnies-kłasa Mahiloŭ—Minsk na pierahonie Rudziensk-Michanavičy, niedaloka ad prypynku Zazierka prataraniŭ traktarny pryčep na rehulavanym čyhunačnym pierajeździe.
22.03.2022 / 22:43
«Na maršrucie Mahiloŭ—Minsk ciahnik biźnies-kłasa Stadler ź niečym sutyknuŭsia na maršrucie. Maja dziaŭčyna znachodziłasia ŭ apošnim vahonie. Byŭ mocny ŭdar. U pieršym vahonie vybiła škło. Čakali adklučeńnia elektryčnaści, kab vypuścić ludziej i aŭtobusami ich vieźci dalej», — raskazaŭ čytač Zerkalo.io.
Paźniej pasažyry ciahnika raskazali, što ad miesca zdareńnia ich pačali vyvozić aŭtobusami.
U vyniku sutyknieńnia byli paškodžanyja apory elektrazabieśpiačeńnia. Paciarpiełych, pavodle aficyjnych paviedamleńniaŭ, niama.
Na miescy zdareńnia dahetul viaducca ramontnyja raboty, paviedamlaje čyhunačny telehram-kanał.