Łukašenka: Karać za antyvajennuju pazicyju nielha. Rečaisnaść: minimum 600 čałaviek na sutkach za akcyi suprać vajny
U intervju japonskamu telekanału Łukašenka zajaviŭ, što karać hramadzian, jakija vykazvajuć antyvajennuju pazicyju, nielha.
20.03.2022 / 12:14
«I ja chaču, kab chutčej spyniŭsia hety kanflikt. Za heta [antyvajennuju pazicyju] ludziej sadžać nielha, za heta karać ludziej nielha», — jaho cytata.
Pa źviestkach «Viasny», tolki 27-28 lutaha było zatrymana bolš za 900 čałaviek — 616 ź ich adpravili na sutki.
Zatrymańni praciahvajucca i ciapier. Pa słovach tych, chto vychodzić ź izalataraŭ, zatrymanych na antyvajennych akcyjach žorstka źbivajuć i katujuć: ludziej bili dubinkami i hałavoj ab aŭtazak, łamali rebry i zalivali hazam.