Ва Украіне загінуў яшчэ адзін замежны журналіст. А з ім разам — і ўкраінская калега
Аператар амерыканскага тэлеканала Fox News П’ер Закжэўскі быў забіты ў панядзелак у Горанцы на ўскраіне Кіева, дзе машына каманды трапіла пад абстрэл. Рэдакцыя пацвердзіла смерць свайго супрацоўніка.
15.03.2022 / 18:44
Грамадзянін Ірландыі Закжэўскі меў вялікі вопыт у асвятленні ваенных канфліктаў.
Украінскія СМІ пасля паведамілі, што разам з аператарам П’ерам Закжэўскім загінула і ўкраінская журналістка Аляксандра Куўшынава.
Учора таксама паведамлялася пра раненне іншага супрацоўніка тэлеканала Fox News Бенджаміна Хола. Ён атрымаў асколачны пералом дзвюх ніжніх канечнасцяў, яму давялося ампутаваць частку нагі.
А ў нядзелю ва Украіне загінуў амерыканскі дакументаліст Брэнт Рэно.