Pamior piśmieńnik Mikoła Hil — brat paeta Niła Hileviča
Biełaruski piśmieńnik Mikałaj Hil pamior siońnia, 14 sakavika, na 86-m hodzie žyćcia.
14.03.2022 / 14:52
Mikoła Hil naradziŭsia ŭ 1936 hodzie ŭ Łahojskim rajonie. Jaho sapraŭdnaje proźvišča — Hilevič. Ale pakolki pad im drukavaŭsia jaho rodny brat Nił, Mikałaj uziaŭ sabie psieŭdanim Hil, piša Zerkalo.io
Skončyŭšy adździaleńnie žurnalistyki fiłałahičnaha fakulteta BDU, Hil pracavaŭ u šerahu ŚMI. Bolšaja častka žyćcia źviazanaja z hazietaj «Litaratura i mastactva», u jakoj jon prapracavaŭ ź pierapynkami bolš za 30 hadoŭ. Źjaŭlaŭsia jaje hałoŭnym redaktaram u 1990-ja hady.
Jak śćviardžaŭ Zianon Paźniak, mienavita dziakujučy Hilu u haziecie ŭ 1988-m źjaviŭsia znakamity artykuł pra Kurapaty, dzie raspaviadałasia pra rasstreły NKVD. Artykuł toj paviarnuŭ chod nacyjanalnaha adradžeńnia.
Hil taksama byŭ viadomy jak prazaik, pierakładčyk, u jaho litaraturnym zapisie vychodziła kniha kasmanaŭta Piatra Klimuka i ŭspaminy Hienadzia Karpienki.