Міністр супакойвае: Няма неабходнасці запасацца таварамі, дзяржава не дапусціць вакханаліі з цэнамі
Міністр антыманапольнага рэгулявання і гандлю Аляксей Багданаў запэўніў, што дэфіцыту прадуктаў не будзе. Наадварот — тысячы тон сыру, якія раней ішлі на экспарт, цяпер застануцца ў краіне.
13.03.2022 / 21:42
«Няма неабходнасці запасацца таварамі, дзяржава не дапусціць вакханаліі з цэнамі.
Беларусь з'яўляецца найбуйнейшым вытворцам харчовай прадукцыі на постсавецкай прасторы. Акрамя таго, дзякуючы узважанай, прадуманай палітыцы кіраўніка дзяржавы мы ўжо даўно забяспечылі харчовую бяспеку краіны і з'яўляемся найбуйнейшым экспарцёрам прадуктаў харчавання на постсавецкай прасторы.
Да прыкладу, мы самі спажылі ў мінулым годзе 50 000 тон сыроў, пры гэтым экспартавалі амаль 300 000 тон. У выпадку неабходнасці ўсё гэта можна перанакіраваць на ўнутраны рынак. Беларусь жалезабетонна забяспечана практычна ўсімі таварамі, якія неабходныя нашым грамадзянам для камфортнага жыцця», — цытуе міністра БелТА.