Na treci dzień sudzilišča nad našaniŭcami ŭsich vyhnali z zały
U Minsku, u sudzie Zavodskaha rajona praciahvajecca praces nad našaniŭcami Jahoram Marcinovičam i Andrejem Skurko. Sud pačaŭsia 28 lutaha, siońnia — treci dzień.
03.03.2022 / 15:51
Andrej Skurko, Jahor Marcinovič. Fota: Sputnik
Siońnia, 3 sakavika, pa spravie našaniŭcaŭ praciahvali apytvać śviedkaŭ.
Było heta tak. Vyklikali śviedku-pašpartystku, i zadali joj pytańnie, ci nie źjaŭlajucca abvinavačanyja joj svajakami. Jana stała pilna ŭhladacca ŭ tvary chłopcaŭ, jany zaśmiajalisia, niechta ŭ zale taksama zaśmiajaŭsia. Suddzia ŭsich prysutnych za heta vyhnała, faktyčna zrabiŭšy pasiadžeńnie zakrytym.
U piatnicu ŭ sudzie buduć vyvučać piśmovyja materyjały.
Nahadajem, što redaktary «Našaj Nivy» Andrej Skurko i Jahor Marcinovič źniavolenyja ź lipienia 2021 hoda, razam ź dziasiatkami inšych žurnalistaŭ. Usiaho ŭ Biełarusi — niekalki tysiač palitviaźniaŭ.