Vučni ŭkrainskaj škoły źviarnulisia da dziaciej Biełarusi i praśpiavali «Kupalinku» VIDEA
Vučni Strałkoŭskaj škoły imia ajca Michaiła Viarbickaha na Lvoŭščynie źviarnulisia da svaich adnahodkaŭ ź Biełarusi. Dzieci raskazali pra realii žyćcia svaich adnahodkaŭ u Charkavie, Kijevie, Sumach i inšych haradach i paprasili malicca za našu krainu i havaryć pra vajnu z baćkami.
28.02.2022 / 22:37
«Mahčyma, tabie składana pavieryć, ale prosta ciapier našy siabry ŭ Charkavie, Kijevie, Sumach i inšych bujnych haradach Ukrainy ŭ padvałach. My nie možam abniać lubimyja cacki, nie možam pajści ŭ škołu i ŭbačyć siabroŭ, niekatoryja z nas bolš nie ŭbačać adnakłaśnikaŭ ci navat baćkoŭ. U nas vajna. Nam strašna i ciažka. Našy vajary mužna zmahajucca dziela našaha siońnia i zaŭtra. My nie chočam vajny. My chočam žyć. Malisia za nas. Prasi baćkoŭ dziejničać dziela nas», — źviarnułasia da dziaciej školnica Ivana Dryhinič.
Dalej dzieci syhrali na muzyčnych instrumientach i praśpiavali «Kupalinku».