Pucin pra ŭkrainskuju ŭładu: Šajka narkamanaŭ i bienderaŭcaŭ
Pucin siońnia ŭ režymie anłajn-kanfierencyi pravioŭ pasiadžeńnie Rady biaśpieki. Jon vystupiŭ z pramovaju. Pavodle prezidenta Rasii, asnoŭny supraciŭ va Ukrainie akazvaje nie rehularnaja armija, a «nacyjanalistyčnyja farmavańni, jakija, jak viadoma, i niasuć pramuju adkaznaść za hienacyd na Danbasie i kroŭ mirnych hramadzian».
25.02.2022 / 18:26
«Nacyjanalistyčnyja elemienty, ukaranionyja ŭ skład rehularnych ukrainskich čaściej, nie tolki padbuchtorvajuć ich da akazańnia ŭzbrojenaha supracivu, ale i pa sutnaści hrajuć rolu zaharadatradaŭ», — skazaŭ Pucin.
Jon zajaviŭ, što «bienderaŭcy i nieanacysty vystaŭlajuć ciažkaje ŭzbrajeńnie, u tym liku sistemy załpavaha ahniu, prama ŭ centralnych rajonach bujnych haradoŭ, u tym liku Kijeva i Charkava».
«Jany płanujuć vyklikać ahoń u adkaz rasijskich udarnych kompleksaŭ pa žyłych kvartałach. Jany dziejničajuć, jak terarysty va ŭsim śviecie, prykryvajucca ludźmi ŭ nadziei zatym abvinavacić Rasiju ŭ achviarach siarod mirnaha nasielnictva. Dakładna viadoma, što ŭsio heta adbyvajecca pa rekamiendacyi zamiežnych kansultantaŭ, pierš za ŭsio amierykanskich daradcaŭ», — skazaŭ Pucin.
Jon źviarnuŭsia da vajennasłužačych uzbrojenych sił Ukrainy, zaklikaŭ ich brać uładu ŭ svaje ruki.
«Padobna, nam z vami budzie lahčej damovicca, čym z hetaj šajkaj narkamanaŭ i nieanacystaŭ, jakaja zasieła ŭ Kijevie i ŭziała ŭ zakładniki ŭvieś ukrainski narod», — skazaŭ Pucin.