Мінабароны Расіі заявіла, што адводзіць танкі ад мяжы з Украінай на тысячу кіламетраў
У Мінабароны Расіі заявілі аб вяртанні эшалона з тэхнікай падраздзяленняў танкавай арміі Заходняй вайсковай акругі, якая мяжуе з паўночнымі абласцямі Украіны, у пункт пастаяннай дыслакацыі. Там запэўніваюць, што адводзяць танкі на тысячу кіламетраў.
18.02.2022 / 11:44
Фота: Мінабароны Расіі
«Чарговы воінскі эшалон з салдатамі і вайсковай тэхнікай падраздзяленняў танкавай арміі Заходняй вайсковай акругі адправіўся ў пункт пастаяннай дыслакацыі ў Ніжагародскай вобласці пасля завяршэння планавых вучэнняў», — гаворыцца ў паведамленні Мінабароны.
Адзначана, што па прыбыцці ў размяшчэнне вайсковай часткі вайскоўцы пачнуць правядзенне тэхнічнага абслугоўвання баявой тэхнікі і яе падрыхтоўкі да далейшых планавых мерапрыемстваў баявой падрыхтоўкі.
«Перавозкі танкаў і браняванай гусенічнай тэхнікі ажыццяўляецца чыгуначным транспартам на адлегласць каля адной тысячы кіламетраў», — дадаюць у паведамленні.