JES zakupiŭ vielizarnyja abjomy zvadkavanaha hazu, kab zastrachavacca ad rasijskaha šantažu
U studzieni Jeŭrasajuz impartavaŭ rekordnyja 10 miljardaŭ kubamietraŭ zvadkavanaha hazu.
16.02.2022 / 10:32
JES raspačaŭ šyrokija zachady zaściarohi na vypadak, kali pastaŭki rasijskaha hazu ŭ Jeŭropu spyniacca. Ab hetym žurnalistam u Strasburhu zajaviła staršynia Jeŭrakamisii Ursuła fon der Lajen, paviedamiła «Radyjo Svaboda».
Dla źnižeńnia ryzyki ŭźniknieńnia pierabojaŭ z syravinaj Jeŭrakamisija ŭ apošnija miesiacy praviała pieramovy z klučavymi eksparciorami zvadkavanaha pryrodnaha hazu, takimi jak ZŠA, Katar i Jehipiet, kab tyja naraścili abjomy zdabyčy.
Akramia taho, adbylisia kansultacyi z klučavymi imparciorami zvadkavanaha pryrodnaha hazu, u pryvatnaści Japonijaj i Paŭdniovaj Karejaj, kab tyja dali JES syravinu z ułasnych zapasaŭ.
Jak zaznačyła kiraŭnica Jeŭrakamisii, u vyniku hetych namahańniaŭ Bruselu ŭ studzieni JES impartavaŭ rekordnyja 10 młrd kubamietraŭ zvadkavanaha hazu.