Апублікаваны ўказ аб рэестры крыптакашалькоў
Указам прадпісваецца стварыць рэестр віртуальных кашалькоў, якія выкарыстоўваліся або выкарыстоўваюцца для ажыццяўлення супрацьпраўнай дзейнасці. Дакумент набывае моц праз тры месяцы пасля апублікавання.
16.02.2022 / 09:49
Аператарам рэестра будзе адміністрацыя ПВТ. Яго карыстальнікамі стануць Генпракуратура, КДБ, КДК, МУС, Нацбанк, ААЦ, Служба бяспекі прэзідэнта і рэзідэнты ПВТ.
У выпадку, калі сілавыя органы будуць атрымліваць інфармацыю аб выкарыстанні кашалька ў супрацьпраўнай дзейнасці, ён будзе ўключацца ў рэестр. Калі будзе спыненае выкарыстанне для такіх патрэб, кашалёк можа быць выключаны з рэестра.
Рэзідэнтам ПВТ, якія працуюць з крыптавалютамі, прадпісваецца на наступны дзень пасля атрымання ад аператара рэестра адрасоў кашалькоў, адмаўляць іх уладальнікам у здзяйсненні аперацый.