Ź mini-kinateatram, SPA i vozieram. Pahladzicie, jaki «Viersal» pad Minskam prapanujuć u arendu za piać tysiač dalaraŭ u miesiac
Majontak u ahraharadku Pryłuki Minskaha rajona prapanujuć uziać u arendu za piać tysiač dołaraŭ za miesiac. Abjava raźmieščanaja na sajcie Realt.by.
16.02.2022 / 08:34
Dom raźmieščany na ŭzvyššy na bierazie nievialikaha voziera. Unutry budynka jość haścioŭnia na 70 kvadratnych mietraŭ z kaminam, kuchnia-stałovaja, dźvie prastornyja spalni, damašni kinateatr, spartzała, kabiniet, biljardavaja, try harderobnyja pakoi, try sanvuzły i SPA-kompleks, jaki ŭklučaje saunu, basiejn, adkrytuju kupiel i zonu rełaksacyi.