U Mazyry pamior 51-hadovy Uładzimir Nieŭmiaržycki. U 2020 hodzie jon byŭ adnym sa statkievickich «kandydataŭ pratestu»
Pierad śmierciu Uładzimir Nieŭmiaržycki mocna chvareŭ, u jaho było ankałahičnaje zachvorvańnie. Jon byŭ aktyŭnym siabram partyi Mikoły Statkieviča «Narodnaja Hramada», padčas prezidenckich vybaraŭ 2020 hoda sprabavaŭ vyłučacca ŭ prezidenty ŭ ramkach stratehii Mikoły Statkieviča jak adzin z «kandydataŭ pratestu».
14.02.2022 / 19:44
Žonka Mikałaja Statkieviča Maryna Adamovič napisała pra Nieŭmiaržyckaha ŭ Fejsbuku:
«My ŭsie zachaplalisia jaho mužnaściu i siłaj duchu. Uładzimir da apošniaha chavaŭ svaju chvarobu, padtrymlivaŭ siabroŭ i blizkich. Apošnija tydni jon znachodziŭsia na lačeńni ŭ ankałahičnym centry, kudy da jaho štodnia, da apošniaha dnia, z pahrozami prychodzili karniki. Za dva apošnija hady, pačynajučy z krasavika 2020 hoda, jon pieražyŭ mnostva aryštaŭ i pieratrusaŭ. Uładzimir admoviŭsia pakidać Biełaruś: pad jaho apiekaj była sastarełaja maci».