Pahladzicie, jakaja viadomaja ŭsim ptuška vyjhrała prajmieryz na zvańnie «ptuški 2023 hoda»
Bolš za tysiaču hałasoŭ nabrała ŭ ptušynych prajmieryz znajomaja ŭsim šeraja varona.
02.02.2022 / 13:56
Šeraja varona. Fota: Ina Škurko
Varonu vyłučali na ptušynyja prajmieryz i letaś, piša «Achova ptušak Baćkaŭščyny».
Jaje prychilniki tady stvaryli supołku ŭ Fejsbuku, pryśviečanuju svajoj kandydatcy, i ceły hod dzialilisia adno z adnym cikavostkami pra jaje. Adnak na tym anłajn-hałasavańni pieramahła biełaja sinica, jakaja ŭ vyniku i była abranaja na Źjeździe APB ptuškaj 2022 hoda.
Sioletniaje zmahańnie šeraj varony taksama było nialohkim. Supiernikaŭ było mienš: vialiki bakłan, zvyčajnaja čarotaŭka, vialiki savuk i taŭstadziub.
Ale z apošnim zaviazałasia zaciataja baraćba: jon prosta nastupaŭ na piaty. Dziakujučy zładžanaj ahitacyi kamandy padtrymki, šeraja varona zmahła jaho abyści.
Jana nabrała 1009 hałasoŭ. Usiaho ŭ hałasavańni paŭdzielničaŭ 2591 čałaviek.