Piensijanierku Alenu Hnaŭk abvinavačvajuć u dyskredytacyi Biełarusi za dopis pra mihrantaŭ u sacsietkach
Jak stała viadoma pravaabaroncam, 64-hadovaj aktyvistcy z Pružanaŭ Alenie Hnaŭk vystavili abvinavačvańnie pa dvuch artykułach Kryminalnaha kodeksa: č. 2 art. 367 (paklop na Łukašenku) i art. 369-1 (dyskredytacyja Biełarusi).
01.02.2022 / 15:16
Ciapier žančynie pahražaje da šaści hadoŭ pazbaŭleńnia voli.
Alenu źmiaścili pad vartu, jaje musiać pieravieści ŭ SIZA-6 u Baranavičach.
Zhodna z materyjałami spravy, Hnaŭk 23 listapada 2021 hoda raźmiaściła ŭ sacyjalnych sietkach Fejsbuk i Instahram «zahadzia iłžyvyja źviestki ab pravavym stanoviščy zamiežnych hramadzian u Respublicy Biełaruś, što było nakiravana na pryčynieńnie istotnaj škody dziaržaŭnym intaresam».
U dopisach Alena raspaviadała pra kurdskija siem’i i stanovišča mihrantaŭ u Biełarusi.
Raniej, pavodle dvuch inšych artykułaŭ, spadaryniu Alenu asudzili da troch hadoŭ «chatniaj chimii».