Paśla filma Dudzia «Mis Biełaruś-2008» Volha Chižynkova pakinuła ŭ Instahramie ščymlivy dopis lubvi da biełarusaŭ
«Mis Biełaruś-2008» Volha Chižynkova, jakaja ŭ 2020 hodzie adsiedzieła 42 sutak na Akreścina, padzialiłasia dumkami paśla prahladu filma Juryja Dudzia pra biełaruskuju emihracyju. Pryvodzim jaho całkam.
29.01.2022 / 17:29
Tak doŭha my imknulisia da taho, kab lubić svajo, a nie čužoje.
I raptam adnojčy vyjaŭlaješ, što ŭ słuchaŭkach hučyć hołas biełaruskaha vykanaŭcy; što samyja ŭtulnyja rečy z usiaho najaŭnaha ŭ harderobie ‒ ad biełaruskich dyzajnieraŭ; što ŭ liku pryjarytetnych padpisak na jutubie vyklučna biełaruskija kanały.
Uśviedamlaješ, jak pryjemna hanarycca svaim i svaimi: ludźmi, jakija zastajucca biełarusami ŭ krainie ci za jaje miežami. Amal nieznajomaje, knižnaje pačućcio.
Sponsary viačerniaj refleksii @yurydud i maje ziemlaki.)❤️