Na homielskaj «chimii» pakazalna zatrymali za kamientar u sacsietkach źniavolenaha, jaki adbyvaŭ pakarańnie nie za palityku
25 studzienia ŭ Homielskaj PUAT-17 pakazalna zatrymali Ivana Jaščanku, jaki adbyvaje tam pakarańnie pa niepalityčnym artykule, paviedamlajuć pravaabaroncy.
26.01.2022 / 22:08
Mužčynu zatrymali za kamientar u sacsietkach, jaki jon pakinuŭ u vieraśni 2021 hoda. Pravaabaroncy miarkujuć, što zatrymańnie mahło być źviazanaje sa «spravaj Zelcera».
U pamiaškańnie PUAT pryjšli siłaviki i pakazalna nadzieli kajdanki na Ivana Jaščanku pierad astatnimi asudžanymi. Paviedamlajecca, što ich sabrali śpiecyjalna dla taho, kab pravieści zatrymańnie. Jašče ŭ niekalkich čałaviek zabrali telefony.
Ludziej prystrašyli, što ciaham dziesiaci dzion buduć zatrymanyja jašče niekalki čałaviek.
Pavodle infarmacyi pravaabaroncaŭ, u Homielskaj PUAT-17 adbyvaje pakarańnie 15 palityčnych źniavolenych.