Абралі новага старшыню Парламенцкай асамблеі Рады Еўропы
Новым старшынёй міжнароднай арганізацыі стаў 68-гадовы сенатар з Нідэрландаў Ціні Кокс. За яго прагаласавалі 164 чалавекі.
24.01.2022 / 17:52
Фота: Вікіпедыя
Канкурэнткай Кокса была дэпутатка Вярхоўнай Рады Украіны, кіраўніца ўкраінскай дэлегацыі ў асамблеі Марыя Мезенцава. Яна атрымала падтрымку напалову меншую — 80 галасоў.
Ціні Кокс — прадстаўнік нідэрландскай Сацыялістычнай партыі, ачольвае ў Парламенцкай асамблеі Рады Еўропы групу «Аб'яднаныя еўрапейскія левыя».
Раней старшынёй ПАРЕ быў бельгійскі сенатар Хендрык Дамс.