Sajty «Naš dom» i «Viciebski kurjer» pryznali ekstremisckimi
Materyjały sajta Mižnarodnaha centra hramadzianskich inicyjatyŭ «Naš dom», sajta «Viciebski kurjer news», a taksama telehram-kanała i čata «Viciebskaha kurjera» pryznanyja ekstremisckimi. Adpaviednaje rašeńnie pryniaŭ sud Čyhunačnaha rajona Viciebska 14 studzienia.
21.01.2022 / 18:09
Usie hetyja resursy ŭniesienyja ŭ respublikanski śpis ekstremisckich materyjałaŭ, apublikavany na sajcie Mininfarma.
U śniežni minułaha hoda dostup da sajtaŭ «Naš dom» i «Viciebski kurjer» byŭ abmiežavany. Jak paviedamlała tady Hienprakuratura, na sajcie «Naš dom» «ahresiŭna i biazdokazna krytykavalisia hramadska-palityčnaja situacyja ŭ Biełarusi i jaje kiraŭnictva». A na sajcie «Viciebskaha kurjera» nibyta vyjavili publikacyju «infarmacyi, jakaja hańbić dziełavuju reputacyju i dyskredytuje dziaržaŭnyja orhany i ich słužbovych asob».
Mižnarodny centr hramadskich inicyjatyŭ «Naš dom» — arhanizacyja, zasnavanaja ŭ 2002 hodzie ŭ Viciebsku Volhaj Karač. Zarehistravanaja jana była ŭ Čechii.
Vydańnie «Viciebski kurjer» taksama naležała Karač. Ale niekalki hadoŭ tamu Karač jaho pradała.