Жыхару Наваполацка прысудзілі 11 гадоў калоніі за раскіданыя «вожыкі» перад праўладным аўтапрабегам
Суд Полацкага раёна вынес жорсткі прысуд Руслану Слуцкаму, якога абвінавацілі ў замаху на прывядзенне ў непрыдатнасць чыгуначных шляхоў (ч. 1 арт. 14, ч. 1 арт. 309 КК), а таксама акце тэрарызму (ч. 1 арт. 289 КК).
20.01.2022 / 12:03
Актам тэрарызму следства палічыла раскіданыя на дарозе самаробныя «вожыкі» і металічныя шыпы перад праездам удзельнікаў аўтапрабегу «За адзіную Беларусь» — у выніку наезду адбыліся праколы шын чатырох аўтамабіляў. Але агулам пацярпелымі па справе прызнаныя больш за 70 грамадзян, якія ўдзельнічалі ў аўтапрабегу.
Суддзя Андрэй Дзергачоў падтрымаў прапанову пракуроркі Таццяны Шабекі і прысудзіў Руслану 11 гадоў пазбаўлення волі ў калоніі ўзмоцненага рэжыму.