Na miažy HUBAZiK zatrymaŭ syna bizneśmiena Eduarda Vajciachoviča, jaki jechaŭ na pachavańnie baćki
Iłla Vajciachovič, 36-hadovy małodšy syn lehiendarnaha biełaruskaha biznesoŭca z vioski Kamarova Eduarda Vajciachoviča, jechaŭ na pachavańnie baćki z Ryhi i byŭ zatrymany HUBAZiKam prosta na miažy. Pra heta paviedamili znajomyja Iłli.
16.01.2022 / 08:55
Iłla Vajciachovič. Fota: Snezhana Zelcha.
Iłla Vajciachovič sprabavaŭ ujechać u Biełaruś 14 studzienia. Jaho doŭha nie adpuskali biełaruskija pamiežniki, a zatym pryjechali supracoŭniki HUBAZiKa z Minska i advieźli mužčynu ŭ izalatar na Akreścina.
Iłla zatrymlivaŭsia 12 žniŭnia 2020 hoda i atrymaŭ 15 sutak. Vierahodna, jon znachodziŭsia ŭ bazie «Biesparadki», jakuju viadzie MUS Biełarusi. Tudy ŭnosiać tych, chto zatrymlivaŭsia na pratestach. Takich ludziej dahladajuć na miažy asabliva pilna.
Zatrymany Vajciachovič nibyta na padstavie kryminalnaha artykuła «prapahanda antydziaržaŭnaj dziejnaści», pišuć SMI.
Baćka zatrymanaha, viadomy biełaruski bizneśmien Eduard Vajciachovič, u 1995-m staŭ deputatam Viarchoŭnaha Savieta 13-ha sklikańnia. U nastupnym hodzie Vajciachovič adnym z pieršych padpisaŭsia za impičmient Alaksandru Łukašenku. U 2002 hodzie na byłym chutary Padkaściołak Astravieckaha rajona Vajciachovič stvaryŭ adnu z pieršych u Biełarusi ahrasiadzibaŭ. Taksama jon arhanizavaŭ na radzimie fiestyval «Kamarova — koła dzion».
U žniŭni 2020 hoda vystupiŭ suprać hvałtu. Pryvatnaja krama, jakoj jon vałodaŭ, niekatory čas strajkavała.