U Pružanskim rajonie na «chimii» pamior źniavoleny
U papraŭčaj ustanovie adkrytaha typu № 7 u vioscy Kuplin Pružanskaha rajona pamior źniavoleny, paviedamlaje Zerkalo sa spasyłkaj na svaje krynicy. Pryčyna śmierci i imia pamierłaha nie ŭdakładniajucca.
14.01.2022 / 17:39
Mužčynu, pa roznych źviestkach, było ad 46 da 48 hadoŭ.
«Jon niadaŭna pieranios insult u lohkaj formie, ale jaho ŭsio adno nakiravali pracavać na fizična ciažkuju pracu. Jość vypadki, kali čałaviek z hipiertanijaj pracuje hruzčykam, z pazvanočnaj hryžaj — padsobnym rabočym, chłopiec z cukrovym dyjabietam na insulinie pracuje ŭ nieprymalnych dla takoha zachvorvańnia ŭmovach. Na ŭsie prośby i zvaroty ab niemahčymaści pracavać z-za prablem sa zdaroŭjem administracyja pahražaje pakarańniem za admovu ad pracy», — skazaŭ vydańniu surazmoŭca.
U dziažurnaj častcy PUAT № 7 ad kamientaryjeŭ admovilisia.