З-за землятрусу абрынулася частка Вялікай Кітайскай сцяны
Паваліўся двухметровы ўчастак сцяны ў правінцыі Цынхай, які ўзвялі падчас існавання Імперыі Мін (1368—1644 гады).
10.01.2022 / 18:19
Каля двух метраў Вялікай Кітайскай сцяны абрынуліся ў выніку землятрусу ў правінцыі Цынхай на захадзе Кітая, паведамляе газета Global Times.
Землятрус магнітудай 6,9 бала ва ўездзе Шаньдань паўночна-заходняй правінцыі Ганьсу адбыўся ў суботу.
Улады правінцыі ўсталявалі на месцы разбурэння апоры і пачалі рамонтна-аднаўленчыя работы.
Паведамленняў аб загінулых падчас здарэння не паступала, аднак дзевяць чалавек атрымалі траўмы. З іх восем ужо выпісаныя з бальніцы, а адзін усё яшчэ знаходзіцца пад наглядам лекараў.