U navahodniuju noč — plusavyja tempieratury, ad viečara 1-ha — minus, a dalej iznoŭ adliha
Ciopły pačatak 2022 hoda.
31.12.2021 / 19:33
U navahodniuju noč va ŭsioj Biełarusi plusavyja tempieratury i doždž. Tolki na samaj poŭnačy — kala nula (ale taksama doždž). Sinoptyki prahnazujuć u Miensku ŭ navahodniuju noč 1—2 hradusy ciapła, a ŭ Bieraści — plus 7—9.
2 studzienia schaładaje. Tempieratura pačnie apuskacca ŭžo pad viečar suboty 1 studzienia. U Miensku — da minus 4—6, u Viciebsku i Połacku — da minus 10, na Bieraściejščynie — da minus 1.
Ale 3 i 4 studzienia vierniecca adliha. U centry krainy — da +2, na poŭdni — da +6, a na poŭnačy stanie kala nula.
1 studzienia ŭviečary i 2 studzienia patrebnaja pilnaść na darohach i tratuarach. Mahčymy hałalod.
Treba pamiatać, što adližnyja dni zručnyja dla virusaŭ, jak kavidu, tak i hrypu. Ścieražyciesia i bieražyciesia, nasicie maski.