Vice-prezident ZŠA pryhraziła Rasii niečuvanymi sankcyjami z-za Ukrainy
Vice-prezident ZŠA Kamała Charys zajaviła, što ŭ vypadku vajskovaj ahresii Rasii suprać Ukrainy Vašynhton prymienić žorstkija i niečuvanyja sankcyi.
27.12.2021 / 14:40
Pra heta jana raspaviała ŭ intervju amierykanskamu kanału CBSNews.
Charys kaža, što ZŠA viaduć pramyja pieramovy z Rasijaj.
«My jasna razumiejem, što Rasija nie pavinna parušać suvierenitet Ukrainy, i my adstojvali i adstojvajem jaje terytaryjalnuju cełasnaść. My pracujem z našymi sajuźnikami ŭ hetym dačynieńni, i my vielmi vyrazna zajavili, što hatovyja ŭvieści sankcyi, jakich raniej nie bačyli», — skazała vice-prezident.
Jana admoviłasia ŭdakładnić, pra jakija mienavita sankcyi idzie havorka i ci buduć jany tyčycca Uładzimira Pucina asabista.
U adkaz žurnalistka nahadała, što raniej sankcyi nie spynili prezidenta Pucina.
«Ja paŭtarusia, što my havorym pra sankcyi, jakija my raniej nie ŭžyvali», — padkreśliła Charys.