Лукашэнка прыгразіў перакрыць транзіт Літве
Паводле яго слоў, так Мінск можа адказаць на магчымую забарону паставак праз Клайпедскі порт.
22.12.2021 / 14:41
БелТА
Падчас свайго выступу перад чыноўнікамі ў Гомелі Лукашэнка звярнуў увагу на тое, што ўзаемны тавараабарот Украіны з Літвой праз Беларусь сёлета склаў каля трох мільёнаў тон, у тым ліку праз гомельскі ўчастак мяжы.
«Я не разумею, чым літоўцы думаюць, напіраючы на нас. Мы закрыем гэты транзіт, няхай ездзяць праз Нямеччыну або паспрабуюць праз Польшчу — будзе ў тры разы даражэй», — сказаў ён.