Biełaruś uvodzić licenzavańnie impartu z Ukrainy tualetnaj papiery, kandytarki, piva i inšych tavaraŭ
Paviedamlajecca, što licenzavańnie ŭvodzicca ŭ suviazi «z sistematyčnym parušeńniem Ukrainaj pryncypaŭ svabodnaha handlu» i raspaŭsiudžvajecca na asobnyja tavary, anałahi jakich vyrablajucca ŭ Biełarusi.
08.12.2021 / 20:38
Pad licenzavańnie trapili DSP i DVP, špalery, papiera tualetnaja, mebla, a taksama asobnyja vidy kardonnaj i papiarovaj upakoŭki. Z charčovaj pramysłovaści — kandytarskija vyraby, šakaład, piečyva i piva.
Admietna, što takoje rašeńnie biełaruskaha boku adbyłosia adrazu paśla taho, jak Ukraina admianiła pošliny na biełaruski aŭtapram. Ukrainskaja Mižviedamasnaja kamisija pa mižnarodnym handli admianiła svajo rašeńnie ad 16 krasavika 2021 hoda, zhodna ź jakim impart z Biełarusi aŭtobusaŭ, hruzavych i śpiecyjalnych aŭtamabilaŭ byŭ abkładzieny achoŭnaj pošlinaj u 35%.