U Minsku mužčyna vyciahnuŭ rybaka, jaki pravaliŭsia pad lod
U Minsku vidavočca dapamoh rybaku, što pravaliŭsia pad lod, paviedamlaje MNS.
08.12.2021 / 18:05
Siońnia ŭ 11.25 na numar 112 ad vidavočcy pastupiła paviedamleńnie pra čałavieka ŭ pałoncy Ślapianskaj vodnaj sistemy ŭ Minsku. Na miesca vyjechali padraździaleńni MNS.
65-hadovy mužčyna vyjšaŭ rybačyć na akvatoryi Ślapianskaj vodnaj sistemy. U niejki momant jon pravaliŭsia pad lod. Jaho zaŭvažyŭ vidavočca, jaki hulaŭ z sabakam na inšym bierazie vadajoma. Jon pabieh ratavać čałavieka i paprasiŭ inšych hramadzian patelefanavać u MNS.
Vidavočca vyciahnuŭ rybaka z pałonki na bierah i pieradaŭ ratavalnikam. Paśla ahladu miedykami vyratavany admoviŭsia ad špitalizacyi.