У маскоўскім метро зрабілі надпісы на ўзбекскай і таджыкскай мовах. Мясцовыя жыхары паскардзіліся ўладам
Кіраўнік Рады па правах чалавека пры прэзідэнце Расіі Валерый Фадзееў папрасіў мэра Масквы Сяргея Сабяніна «разабрацца» з надпісамі ў маскоўскім метро на ўзбекскай і таджыкскай.
07.12.2021 / 17:37
У Раду паступаюць шматлікія скаргі на стварэнне адзінага міграцыйнага цэнтра ў вёсцы Сахарава ў Новай Маскве. «Асаблівае раздражненне» у жыхароў Масквы выклікаюць надпісы на ўказальніках бліжэйшых станцый метро, зробленыя на ўзбекскай і таджыкскай.
Фадзееў папрасіў Сабяніна разгледзець скаргі жыхароў і праінфармаваць яго аб прынятых мерах.
Надпісы на таджыкскай і ўзбекскай мовах з'явіліся ў верасні на ўказальніках на станцыях «Прокшына» і «Лесапаркавая», ад якіх ходзяць аўтобусы да міграцыйнага цэнтра. Гэта рабілі для зручнасці мігрантаў.