Dziejač dyjaspary: Na nastupnym tydni ŭ Krym pryjedzie delehacyja ź Biełarusi, kab ušanavać pamiać Bahdanoviča
Delehacyja palitykaŭ i hramadskich dziejačaŭ ź Biełarusi pryjedzie na nastupnym tydni ŭ Jałtu, dzie projduć pamiatnyja mierapryjemstvy z nahody 130-hodździa z dnia naradžeńnia biełaruskaha paeta Maksima Bahdanoviča.
05.12.2021 / 09:19
Pra heta paviedamiŭ TASS staršynia nacyjanalna-kulturnaj aŭtanomii «Biełarusy Kryma» Raman Čahryniec.
«Čakajecca uzroŭnievaja delehacyja, ale ŭzrovień nie vykanaŭčaj ułady, a znakavyja palityki i hramadskija dziejačy, jakija na ŭsiu krainu hučać. Kankretnyja proźviščy pakul nie nazavu, bo ŭsio moža źmianicca», — skazaŭ Čahryniec.
Staršynia aŭtanomii adznačyŭ, što praviadzie delehacyju pa tych miescach Kryma, jakija, na jaho dumku, nieabchodna pakazać Alaksandru Łukašenku, jaki nibyta płanuje vizit u Krym.
«Ja ŭpeŭnieny, što pa prybyćci Łukašenka taksama pajedzie na mahiłu Bahdanoviča, jak i hetaja delehacyja, a taksama naviedaje sanatoryj «Biełarusija»», — ličyć Čahryniec.
Nahadajem, na minułym tydni Łukašenka ŭ intervju Dźmitryju Kisialovu zajaviŭ, što Krym — de-jura i de-fakta rasijski, a taksama vykazaŭ ździŭleńnie, što biełaruskija samaloty nie lotajuć u Krym.
Maksim Bahdanovič pamior u Jałcie ŭ 1917 hodzie, tam i pachavany. 9 śniežnia budzie adznačacca 130 hadoŭ z dnia jaho naradžeńnia.