Rasijski virusołah nazvaŭ try ŭmovy pieramohi nad pandemijaj i pravioŭ jaskravuju paralel z Puškinym
Zahadčyk łabaratoryi bijatechnałohii i virusałohii fakulteta pryrodaznaŭčych navuk Novasibirskaha dziaržaŭnaha ŭniviersiteta, člen-karespandent Rasijskaj akademii navuk, prafiesar Siarhiej Niaciosaŭ nazvaŭ try ŭmovy dla pieramohi nad pandemijaj karanavirusa. Jon nahadaŭ, jakija faktary spyniali «lubyja epidemii va ŭsie časy», piša ura.ru.
27.11.2021 / 22:12
Virusołah zajaviŭ, što spad pandemii karanavirusa zaležyć ad kožnaha čałavieka. Pavodle jaho słoŭ, masavaja vakcynacyja, zachavańnie masačnaha režymu i žorstkaja sacyjalnaja dystancyja zdolnyja spynić pandemiju.
«Pamiatajecie paeta Alaksandra Puškina? U jaho było dźvie bołdzinskija vosieni. Čamu jany byli? Usie zabylisia, što byli vielmi žorstkija karanciny z-za chalery. Vakcyny tady nie było, tamu tolki karanciny», — patłumačyŭ Niaciosaŭ.
Prafiesar taksama nahadaŭ pra ŭspyšku vospy ŭ Maskvie ŭ kancy 1950-ch hadoŭ, jakuju ŭdałosia pieramahčy z dapamohaj «tatalnaj vakcynacyi» rasijskaj stalicy. Jon paskardziŭsia, što mnohija ludzi słuchajuć «tolki niepiśmiennych antypryščepačnikaŭ, jakija historyi nie viedajuć, nie razumiejuć, što takoje virus, i pra vakcyny ničoha nie viedajuć».