На Вілейшчыне мужчына незаконна злавіў у пастку бабра — і заплаціць больш за дзве тысячы рублёў
Здарэнне адбылося 14 лістапада ў паляўнічых угоддзях Ільянскага лясніцтва на рацэ Ілія паблізу вёскі Беражок. Там мужчына незаконна ўпаляваў бабра.
25.11.2021 / 14:16
Месца злачынства
Мужчына выкарыстаў для гэтага дзве пасткі і здабыў адну жывёліну вагой 23 кілаграмы, паведамляе Рэгіянальная газета.
Мужчына не меў дазволу на здабычу паляўнічай жывёлы і паляўнічай пуцёўкі.
Шкода, прычыненая навакольнаму асяроддзю, склала 70 базавых велічынь. На сёння гэта 2030 рублёў. Кошт незаконна здабытай прадукцыі — сем базавых велічынь (203 рублі).